Ўзбекистонда биринчи бўлиб «рақамли»га айланадиган банк ўзига барча ёшларни жалб этиши мумкин. Ўзбекистон банклари ассоциацияси бош директори Сайдулло Абдуллаев шундай фикр билдирди, деб хабар беради Spot.
«Бунинг учун барча бизнес-жараёнларни рақамли кўринишга ўтказиш, ёшларга уларнинг кўникма ва талабларига жавоб берадиган хизматларни тақдим этиш зарур. Бу трендни тушунмайдиган банк муаммоларга дуч келади ва замондан ортда қолиб кетади. Рақамлаштириш ҳақида гапириш етарли эмас, ҳозирнинг ўзида буни жорий этишга киришиш керак», — деди Сайдулло Абдуллаев.
Ассоциация бош директорига кўра, бунинг учун турли компания ва муассасалар иштироки талаб этилади. Жумладан, аксептларни онлайн амалга ошириш учун мамлакат қонунчилигига тегишли ўзгартиришлар киритиш лозим.
Изоҳ (0)