Тошкент ҳарбий округи қўшинлари қўмондони генерал-майор Баҳодир Қурбонов бошчилигидаги Ўзбекистон ҳарбий делегацияси Россия Мудофаа вазирлиги қўшинларининг жанговар тайёргарлик жараёнлари, амалий машғулотларни олиб бориш усул ва услублари билан яқиндан танишишди, дея хабар берди Мудофаа вазирлиги матбуот хизмати.
Ўзбекистон делегацияси Россиянинг Марказий ҳарбий округидаги Челябинскда жойлашган дала-ўқув майдонида танкчилар дивизияси ҳамда Самара гарнизонидаги ҳарбий бўлинмаларнинг амалий тактик машғулотларини кузатди.
Хусусан, Ўзбекистон делегацияси у ерда разведка ишғол тизимини қўллаган ҳолда баталон тактик гуруҳларининг жанговар ўқ отиш машқлари, қўшин турлари билан ҳамкорликни ташкил этишда қўмондонлик пунктларининг иш тартиби, шунингдек, танкчиларнинг рейд ҳаракатлари ва шартли душман флангига ёриб кириш усуллари билан танишди.
