Ўзбекистоннинг Бельгиядаги элчихонаси вакиллари Брюселда Европа савдо-саноат палатаси (Eurochambers) ижрочи директори Арналдо Абруззини ва палатанинг МДҲ давлатлари бўйича маслаҳатчиси Гундарс Страутманис билан учрашди. Бу ҳақда ТИВ матбуот хизмати ҳабар бермоқда.
Ҳозирда Eurochambers таркибига Европанинг 43 давлати, 1700 минтақавий ва маҳаллий палата, шунингдек, 20 миллион корхона киради.
Учрашувда Eurochambers ва Ўзбекистон, жумладан, Савдо-саноат палатаси, айрим минтақалар ва корхоналар ўртасида инвестиция, технология ва инновациялар борасидаги ҳамкорлик масалалари муҳокама қилинди. Ўзаро алоқаларнинг йўналишлари сифатида табиий ресурслардан самарали фойдаланиш, муқобил энергетика, энергиянинг тикланувчи манбалари белгиланди.
Брюссель савдо-саноат палатаси (BECI) раиси Оливье Виллок билан музокаралар давомида Самарқанд ва Наманган вилоятлари ҳокимликлари, «Ўзэлтехсаноат» АК делегацияларининг Бенилюкс давлатларига бўлажак ташрифи доирасида Брюссель шаҳри ишбилармон доиралари ва компаниялари вакиллари билан учрашув ташкиллаш ҳақида келишиб олинди.
Суҳбат давомида Брюссель бизнеси вакиллари Ўзбекистондан озиқ-овқат, тўқимачилик, фармацевтика ва электротехника маҳсулотлари импортига қизиқиш билдирди.
Изоҳ (0)