Ўзбекистон Президенти Шавкат Мирзиёев раислигида 22 февраль куни ўтказилган видеоселектор йиғилишида мамлакатнинг зиёрат туризми йўналишидаги имкониятларидан тўла фойдаланилмаётгани таъкидлаб ўтилди. Йиғилишдан репортаж «Ўзбекистон 24» телеканалининг «Ахборот 24» дастурида намойиш этилди.
Мавзуга доир: Шавкат Мирзиёев: Ҳар бир турист — инвестиция (видео)
Ўзбекистоннинг зиёрат туризми соҳасидаги улкан имкониятларидан фойдаланишимиз зарур. Мана, Малайзия, Индонезия, Туркия давлатлари фуқаролари учун виза олишнинг соддалаштирилган тартиби жорий этилди.Маълумот учун, 2018 йилнинг 10 февралидан бошлаб, Япония, Жанубий Корея, Сингапур, Малайзия, Индонезия, Туркия ва Исроилдан келаётган туристларга Ўзбекистонда 30 кунгача визасиз бўлишга рухсат берилди.Бундан ташқари 39 мамлакат фуқароларига виза бериш тартиби соддалаштирилди. 2018 йил 1 июлдан электрон визалар жорий қилинади.Мисол учун, 180 миллион мусулмон фуқароси бор Ҳиндистоннинг дин уламолари Ўзбекистонда зиёрат туризмини ривожлантириш бўйича олиб борилаётган ислоҳотларга юқори қизиқиш билдириб, амалий кўмак беришга тайёр эканлигини билдирганликлари бизни қувонтиради.
Ҳинд мусулмонлари мамлакатимизга келиб, муқаддас қадамжоларни зиёрат қилса, ахир бу туристлар оқимини ва валюта тушумини кўпайтириш учун жуда катта захира эмасми?
Шавкат Мирзиёев, Ўзбекистон Президенти
Изоҳ (0)