Ўзбекистон Президенти Шавкат Мирзиёев раислигида 22 февраль куни видеоселектор йиғилиши ўтказилди. Президент матбуот хизматидан маълум қилишларича, унда хорижий туристлар оқимини кўпайтириш ва ички туризмни янада ривожлантириш, сайёҳлик хизматларини яхшилаш ва турларини кенгайтириш бўйича кўрилаётган чоралар натижадорлиги танқидий таҳлил қилинган.
«Ўзбекистон 24» телеканалининг «Ахборот 24» дастурида эфирга узатилган репортажда маълум қилинишича, Президент Ўзбекистонга келаётган ҳар бир сайёҳни инвестиция деб атаган.
Бир йил ичида туризм соҳаси бўйича жуда катта ишлар қилдик. Жуда катта тўсиқ бўлган масалалар бўйича — қанчалик оғир бўлмасин — ҳамма жиҳатларини инобатга олган ҳолда қарорлар қабул қилдик. Барча вилоятларимизда инвестицияларни қўллаб-қувватлаш бўйича тизим жорий этдик. Туристнинг ҳар бири инвестиция.Президент матбуот хизматидан қўшимча қилишларича, йиғилишда Ўзбекистоннинг инвестиция, савдо ва туризм салоҳиятини ўзаро мувофиқлаштириб, ягона бренд остида реклама қилиш зарурлиги таъкидланган.Иккинчидан, туристик салоҳияти юқори ҳисобланган Самарқанд, Бухоро, Хоразм каби вилоятларнинг ҳокимларига туризмни ривожлантириш бўйича тизим тақдим этилди.
Қани, айтинг, қайси мамлакатда Ўзбекистондаги каби буюк аждодлар, алломалар, бундай тарихий шаҳарлар бор? Шундай алломаю шаҳарлари бор давлатлар ўз имкониятлардан қандай қилиб тўғри фойдаланяпти?.. Бу соҳа эртага иқтисодиётимизнинг барқарорлиги учун жуда катта асос бўлади.
Шавкат Мирзиёев, Ўзбекистон Президенти
Изоҳ (0)