Навоий давлат педагогика институти ўқитувчисининг ишончига кириб, Кармана тумани «Дўстлик» массиви ва Кумушкон маҳалласи ҳудудидан ер-жой олиб беришни ваъда қилган ҳолда унинг 33 миллион сўм пулини фирибгарлик йўли билан қўлга киритган Н.Ш. исмли фуқаро исмли фуқаро қўлга олинди. Бу ҳақда Навоий вилояти ички ишлар бошқармаси матбуот хизматига таяниб, ЎзА хабар берди.
Н.Ш.нинг мазкур «операция»сини уддалашида «Навоий инвест баҳо» масъулияти чекланган жамиятида ишлаши қўл келган. МЧЖнинг масъулига содда ўқитувчи ишонган. Лекин на ердан, на пулдан дарак бўлмагач, жабрланувчи алданганини англаб етган.
Мазкур ҳолат юзасидан Н.Ш.га нисбатан Ўзбекистон Республикаси Жиноят кодексининг 168-моддаси 3-қисми билан жиноят иши қўзғатилган.
Изоҳ (0)