«Сувоқава» давлат унитар корхонаси Нурота тумани филиалининг собиқ назоратчиси Э.Ҳ. туманнинг Нурфахр, Янгиобод, Эшон Судур ва Бўдиқ маҳаллаларида яшовчи 71 нафар фуқарони чув туширди. Бу ҳақда ЎзА хабар бермоқда. У аҳолининг ичимлик суви учун тўланган жами 5 миллион 300 минг сўмдан зиёд пулини ўз шахсий эҳтиёжи учун сарфлаб юборгани аниқланган.
Бу ҳолат Мажбурий ижро бюроси Нурота тумани бўлими томонидан Президентнинг 2017 йил 16 ноябрдаги «Сув таъминоти ва сув чиқариш хизмати кўрсатиш соҳасида тўлов интизомини тубдан такомиллаштириш чора-тадбирлари тўғрисида»ги фармони ижроси доирасида ўтказилган текшириш жараёнида маълум бўлди.
Э.Ҳ.га нисбатан Ўзбекистон Республикаси Жиноят кодесининг 168-моддаси (Фирибгарлик) 1-қисми ва 167-моддаси (Ўзлаштириш ёки растрата йўли билан талон-торож қилиш) 1-қисми билан жиноят иши қўзғатилган.
Изоҳ (0)