2017 йилда Ташқи миграция агентлиги томонидан 3500 дан ортиқ Ўзбекистон фуқароси хорижга ишлаш учун юборилди. Бу ҳақда Бандлик ва меҳнат муносабатлари вазирлиги томонидан ўтказилган матбуот-анжуманида маълум қилинди, деб хабар берди «Газета.uz».
Хусусан, 2613 нафар Ўзбекистон фуқароси Жанубий Кореяга ишлашга кетган бўлса, 2710 нафар номзод корейс тили бўйича тест синовларини топширган. Россияга эса 2017 йилнинг 5 апрелида Ўзбекистон ва Россия ўртасида имзоланган битимга кўра, 922 нафар ишчи мигрантлар йўл олган. Шунингдек, 17 нафар ўзбекистонлик Японияга ишлаш учун кетган.
Матбуот-анжуманида бандлик ва меҳнат муносабатлари вазирининг ўринбосари Зокир Умаровнинг маълум қилишича, 2018 йилнинг ўзидаёқ Россияга 50 минг нафар Ўзбекистон фуқаросини танлов асосида ишлашга жўнатиш режалаштирилган.
Изоҳ (0)