2017-yilda Tashqi migratsiya agentligi tomonidan 3500 dan ortiq O‘zbekiston fuqarosi xorijga ishlash uchun yuborildi. Bu haqda Bandlik va mehnat munosabatlari vazirligi tomonidan o‘tkazilgan matbuot-anjumanida ma’lum qilindi, deb xabar berdi “Gazeta.uz”.
Xususan, 2613 nafar O‘zbekiston fuqarosi Janubiy Koreyaga ishlashga ketgan bo‘lsa, 2710 nafar nomzod koreys tili bo‘yicha test sinovlarini topshirgan. Rossiyaga esa 2017-yilning 5-aprelida O‘zbekiston va Rossiya o‘rtasida imzolangan bitimga ko‘ra, 922 nafar ishchi migrantlar yo‘l olgan. Shuningdek, 17 nafar o‘zbekistonlik Yaponiyaga ishlash uchun ketgan.
Matbuot-anjumanida bandlik va mehnat munosabatlari vazirining o‘rinbosari Zokir Umarovning ma’lum qilishicha, 2018-yilning o‘zidayoq Rossiyaga 50 ming nafar O‘zbekiston fuqarosini tanlov asosida ishlashga jo‘natish rejalashtirilgan.
Izoh (0)