Украина президенти Пётр Порошенко 21 февраль, чоршанба куни Киев судида собиқ президент Виктор Януковичнинг давлатга хиёнат иши бўйича кўрсатма беришни бошлади. Бу ҳақда «ТАСС» хабар бермоқда.
Порошенкога президент маъмуриятидан видеоалоқа орқали сўроқда иштирок этишига рухсат берилди.
Януковичнинг адвокатлари унга 200 га яқин савол тайёрлаб қўйганди. Бироқ видеосўроқ чоғида судья мазкур ишга тегишли эмаслигини билдириб, уларнинг аксариятига шикоят келтирди.
Қолаверса, жараён учун ажратилган 1,5 соат ўтишини кутмай, Порошенко гувоҳ сифатида қўшимча равишда таклиф этилишини билдириб, йиғилишни тўхтатди.
Шундай бўлса ҳам, Порошенко айтишга улгурган баёнотлар экспертлар томонидан батафсил таҳлил қилинмоқда. Улар, хусусан, 2014 йил февралида Янукович ҳокимиятдан четлатилиши билан боғлиқ далиллар ишонарли эмаслигини билдирмоқда.
Изоҳ (0)