Transparency International халқаро ташкилоти 2017 йил якунларига кўра коррупцияга қарши кураш даражаси бўйича дунё мамлакатлари рейтингини эълон қилди.
Ўзбекистон 22 балл тўплаб, 180 та поғонанинг 157-сида жойлашди ва ушбу ўринни Бурунди, Гаити ва Зимбабве билан бирга бўлишиб олди.
Коррупцияга қарши кураш индекси экспертлар ва тадбиркорлар ўртасида ўтказилган сўров асосида тузилади ва 0 дан 100 гача бўлган балл шкаласида баҳоланади, бу ерда 0 коррупциянинг энг юқори даражасини, 100 энг паст даражасини англатади.
Рейтингда энг кўп балларни Янги Зеландия (89 балл), Дания (88), шунингдек, Финляндия, Норвегия ва Швейцария (85 баллдан) тўплади. Индексдаги энг пастки ўринлар эса Сомали (9 балл), Жанубий Судан (12 балл) ва Сурия (14 балл)га насиб этди.
Шунингдек, рўйхатда Қозоғистон 122-ўрин (31 балл), Қирғизистон ва Россия — 135-ўрин (29 баллдан), Тожикистон — 161-ўрин (21 балл), Туркманистон — 167-ўрин (19 балл)да жойлашди.
Изоҳ (0)