Қозоғизтондаги фожиада ҳалок бўлган ўзбекистонликларнинг оилаларига моддий кўмак бериш мақсадида эълон қилинган акциянинг биринчи босқичи доирасида Наманган вилоятидан ҳалок бўлган 31 кишининг оилаларига пуллар тақсимланди ва ушбу эҳсонлар эгаларига етказилди. Бу ҳақда акция ташкилотчиларидан бири Баҳриддин Чустий маълум қилди.
Иккинчи босқичда PayPal ҳамда GoFundMe платформаси орқали тушган пуллар ташкилотчилар қўлига етиб келгандан сўнг, қолганларга ҳам етказиш чора-тадбирлари кўрилади.
Аввалроқ хайрия акцияси доирасида жами 330 миллион сўмга яқин маблағ йиғилгани, ушбу сумма 52 га тенг тақсимланиб, ҳар бир ҳалок бўлган ўзбекистонликнинг оиласига 6 миллион 300 минг сўмдан эҳсон қилиниши хабар берилган эди.
Изоҳ (0)