Жорий йилнинг 20 февраль санасида Оҳангарон шаҳри ҳудудида жойлашган умумий овқатланиш масканларидан бирининг автотураргоҳида содир бўлган жанжал аянчли якун топди. Бу ҳақда Тошкент вилояти ИИБ матбуот хизмати хабар берди.
20 февраль, сешанба куни соат 23:00 да 1993 йилда туғилган наманганлик фуқаро ошхонадан чиқиб, мазкур ошхона автотураргоҳида 1973 йилда туғилган андижонлик А.Н. исмли фуқаро билан ўзаро жанжаллашиб қолган. Жанжал оқибатида наманганлик фуқаро ёнида бўлган ўткир тиғли жисм билан А.Н.нинг қорин қисмига уриб, оғир тан жароҳати етказган.
Жиноятчи Оҳангарон ИИБ ҳузуридаги тергов бўлими томонидан қўлга олиниб, унга нисбатан Жиноят кодексининг 104-модда 1-қисми билан жиноят иши қўзғатилган.
Изоҳ (0)