21 февраль куни Туркманистоннинг Тошкентдаги элчихонаси Туркманистоннинг 2017 йилдаги ташқи сиёсий фаолияти натижаларига, шунингдек, жорий йилда республикада бўлиб ўтиши режалаштирилган халқаро тадбирларга бағишланган матбуот анжуманини ўтказди, деб ёзади «Nuz.uz».
Туркманистоннинг Ўзбекистондаги Фавқулодда ва Мухтор элчиси Шири Шириев матбуот анжуманида сўзга чиқиб, Ўзбекистон иштирокида амалга оширилаётган иқтисодий лойиҳаларга тўхталиб ўтди.
Энергетика соҳасидаги лойиҳалар ҳақида гапирар экан, Шири Шириев шундай деди: «Барқарор энергетика соҳасида гап аввало Туркманистон ва Ўзбекистоннинг минтақада йирик кўламли энергетика лойиҳаларини амалга оширишдаги иштироки ҳақида бормоқда. Уларнинг қаторига қуввати йилига 25 миллиард кубометр газга тенг бўлган Туркманистон—Ўзбекистон—Қозоғистон—Хитой газ қувури лойиҳасини киритиш мумкин.
Бундан ташқари, Марказий Осиёдан Жанубий Осиёга Туркманистон—Ўзбекистон—Тожикистон—Афғонистон—Покистон йўналиши бўйича электр энергиясини етказиб бериш бўйича лойиҳа доирасидаги ҳамкорликнинг истиқболлари йўналишлари ҳам бор.
Унинг сўзларига кўра, Туркманистон ва Ўзбекистоннинг ёқилғи-энергетика ва транспорт соҳаларидаги ҳамкорлиги салоҳияти ҳар қачонгидан кўра кўпроқ талабгир, бу нафақат минтақавий кесимда, балки бутун Осиё қитъасидаги иқтисодий ва савдо тараққиёти нуқтаи назаридан ҳам шундайдир.
Изоҳ (0)