12—18 февраль кунлари республика автомобиль йўлларида 134 та йўл-транспорт ҳодисаси содир этилган. Уларда 139 нафар фуқаро турли даражада тан жароҳати олган, деб хабар беради ЎзА.
5—11 февраль кунлари ушбу кўрсаткич 120 тани ташкил этиб, жароҳатланганлар сони 113 нафар эди.
Хабарда келтирилишича, ўтган ҳафта давомида йўл-патруль хизмати инспекторлари томонидан 88 минг 730 қоидабузарлик аниқланган. Уларнинг 44 минг 806 тасини қўпол қоидабузарликлар ташкил этади. Жумладан, 1 минг 872 нафар ҳайдовчи транспорт воситасини маст ҳолда бошқарган, 13 минг 313 ҳолатда белгиланган тезлик талаблари бузилган, 1 минг 258 нафар ҳайдовчи светофор ва чорраҳалардан ўтиш қоидасига амал қилмаган.
Уларга нисбатан тегишли чоралар кўрилган, дейилади хабарда.
Изоҳ (0)