Нидерландияда сенаторлар янги қонунни қабул қилди, унга кўра, мамлакатнинг 18 ёшдан ошган барча фуқаролари ўлимидан кейин потенциал органлар донорига айланади. Улар ҳаёт пайтида бундан бош тортган бўлса, истисноли вазият юзага келади. Ҳужжатни Нидерландия парламентининг юқори палатаси қабул қилди, қуйи палата уни ёқлаб 2017 йилдаёқ овоз берган эди, деб ёзади «Корреспондент.net».
Шунга ўхшаш тизим Бельгия ва Испанияда ҳам амал қилади. Унга кўра, донор сифатида рўйхатдан ўтмаган ҳар бир вояга етган фуқаро вафотидан кейин ўз органларини хайрия қилишни исташ-истамаслиги ҳақида савол берилган хатни олади.
Саволга «Ҳа», «Йўқ» ёки «Буни яқин қариндошларим ҳал қилади» деб жавоб бериш мумкин, шунингдек, қарор қабул қиладиган муайян кишини кўрсатиш мумкин.
Бундай анкета илова қилинган хатга икки марта ҳам жавоб бермаганлар автоматик тарзда органлар донорлари деб ҳисобланилади, аммо исталган вақтда ўз мақомини ўзгартириши мумкин бўлади.
Изоҳ (0)