КХДР АҚШни Жанубий Корея билан ҳамкорликдаги ҳарбий машғулотларни қайта бошламаслик ҳақида огоҳлантирди. Бу ҳақда КХДР марказий газетаси — Rodong’да эълон қилинган мақолада айтилади, деб ёзади «ТАСС».
«Олимпия машъали ўчганидан кейин АҚШ Кореялар ўртасидаги яхшиланган алоқаларга нуқта қўймоқчи. Вашингтон Сеул билан ҳарбий машғулотлар Пхёнчхандаги Олимпия ўйинлари тугаганидан кейин дарҳол давом эттирилиши кераклиги ҳақида шов-шув кўтармоқда», — дейилади мақолада.
Газета минтақада Вашингтоннинг сиёсати туфайли кескинлик ўсиб бораётгани ҳақида огоҳлантирди. «АҚШнинг стратегик қурол-яроғлари ва кўп сонли қўшинлари Корея ярим оролига, қўшни мамлакат ва ҳудудларга тўпланади», — деб ёзди газета.
Изоҳ (0)