БМТ бош котиби Антониу Гутерриш Эронда 66 кишининг умрига зомин бўлган авиафалокат юзасидан ҳамдардлик билдирди, деб хабар берди «ТАСС».
Бош котиб маъмуриятининг маълум қилишича, Гутерриш Исфаҳон ҳудудида содир бўлган нохуш ҳодисадан чуқур қайғуда. «Бош котиб ҳалок бўлганлар оиласига, Эрон халқи ва ҳукуматига чин кўнгилдан ҳамдардлик билдиради», — дейилади хабарда.
Эслатиб ўтамиз, 18 февраль, якшанба куни Теҳрондан Ясужга парвозни амалга оширган ATR-72 самолёти Исфаҳоннинг тоғли ҳудудида ҳалокатга учраганди.
Изоҳ (0)