Исроил ҳарбий ҳаво кучлари Фаластиннинг ҲАМAС ҳаракати назорати остида бўлган Ғазо секторининг жанубий қисмига авиазарба берди. Мазкур ҳаракат қўлбола бомба портлаши оқибатида тўрт нафар исроиллик аскарнинг яраланишига жавобан амалга оширилди. Бу ҳақда мамлакат мудофаа вазирлиги матбуот хизмати маълум қилди.
Пилотлар олтита нишонга ҳужум қилган. Булар Исроил ҳудудига элтувчи ноқонуний туннел, ҳарбий мажмуа ва ҲАМAС’га тегишли қурол ишлаб чиқариш бўйича объект.
«Мазкур ҳодиса ва унинг оқибатлари, шунингдек Ғазо сектори ва унинг ташқарисида бўлаётган ҳодисаларга ҲАМAС жавобгар», — дейилади хабарда.
Изоҳ (0)