Қримда 16 февраль куни иккита юк машинаси ва битта енгил автомобиль ўзаро тўқнашиб кетиши оқибатида етти киши ҳалок бўлди. Дастлабки маълумотларга кўра, улар орасида болалар ҳам бор. Бу ҳақда «Интерфакс»га таяниб, «Корреспондент.net» хабар берди.
Агентлик Қрим республикаси бўйича Ички ишлар вазирлиги вакилига таяниб маълум қилишича, юк машиналаридан бирининг ҳайдовчиси, шунингдек, енгил автомобилдаги олти киши ҳалок бўлган. Иккинчи юк машина ҳайдовчиси шифохонага ётқизилган, унинг аҳволи оғир.
Таъкидланишича, авария Симферополь—Керч йўлининг 357-километрида содир бўлган. Гувоҳларнинг сўзларига кўра, «ВАЗ-2105» автомобилининг ҳайдовчиси оғир юк машинасини қувиб ўтаётиб, у билан тўқнашиб кетган. Қарама-қарши тарафдан келаётган юк машинаси эса уларга келиб урилган. Тўқнашув оқибатида юк автомобилларида ёнғин чиққан.
Изоҳ (0)