Дамашқ ва Анқара кенг кўламли урушга олиб келадиган ҳаракатларга йўл қўймаслиги зарур. Бу ҳақда россиялик ҳарбий эксперт Игорь Коротченко фикр билдирди, дея хабар беради «РИА Новости».
Олдинроқ «Ал-Маядин» телеканали расмий Дамашқ ва курдлар турк армияси тажовузидан ҳимоя қилиш учун Сурия армияси Афринга киритилиши ҳақида келишиб олганини маълум қилганди.
«Бу қадам Сурия суверенитети ва ҳудудий яхлитлигини намойиш этиш учун қўйилган деб умид қиламиз. Келишув Дамашқнинг турк томони билан қарама-қаршилигини янги босқичга олиб чиқмаслиги зарур», — деди Коротченко.
Эксперт Туркия ҳарбий салоҳияти жиҳатидан Сурия қуролли кучлари ва курд тузилмаларидан анча устун эканлиги, бироқ тўқнашувлар бошланган тақдирда жанглар узоқ чўзилиши ва қонли тус олишини таъкидлади.
Изоҳ (0)