Мексиканинг Оахака штатида 7,2 магнитудали зилзила содир бўлди. Бу ҳақда АҚШ геология хизматига таяниб, «Корреспондент.net» хабар берди.
Ер ости силкинишларининг эпимаркази Пинотепа де Дон Луис аҳоли пунктидан 37 километр шимоли-шарқда жойлашган. Зилзила ўчоғи эса 24,7 километр чуқурликда.
«РИА Новости»нинг хабар беришича, мамлакат президенти Энрике Пенья Ньето зилзиладан сўнг Фавқулодда вазиятлар миллий қўмитасида йиғилиш ўтказган. Мексика президенти қуролли кучларга ўзининг бўлинмаларини табиий офатдан жабрланганларга ёрдам кўрсатиш учун йўналтиришни буюрган.
Ер ости силкишини оқибатида Мексикада миллионга яқин уй электр энергиясисиз қолган.
Изоҳ (0)