Туризмни ривожлантириш давлат қўмитаси раиси Азиз Абдуҳакимов Тошкент аэропортида Ўзбекистонга етти мамлакат фуқаролари учун 30 кунлик эркин кириш амал қилишни бошлаганидан кейин етиб келган илк сайёҳларни шахсан кутиб олди, деб ёзади «Газета.uz» «Ўзбекистон 24» телеканалига таяниб.
Азиз Абдуҳакимов пойтахт халқаро аэропортига 11 февраль куни 19:10 да қўнган Korean Air авиакомпанияси самолёти йўловчиларини кутиб олди. Қўмита раҳбари Корея Республикаси ва Япониядан келган сайёҳлар билан япон тилида саломлашди. Улар ўз мамлакатидан Ўзбекистонга визасиз келган илк меҳмонлар бўлди. Сайёҳларга эсдалик совғалари ва миллий либослар топширилди.
Эслатиб ўтамиз, Президент фармони билан, 2018 йилдан 10 февралдан бошлаб Исроил, Индонезия, Жанубий Корея, Малайзия, Сингапур, Туркия ва Япония фуқаролари Ўзбекистон ҳудудига 30 кунгача визасиз кириши мумкин бўлди.
Изоҳ (0)