Ўзбекистон Миллий ахборот агентлиги сайтида академик Азиз Қаюмовнинг Тошкент шаҳар ҳокими Усмоновга «Очиқ хат»и ҳамда яна 3 нафар академикнинг «Бефарқ қараб туришга ҳақли эмасмиз» мақоласи эълон қилинган эди.
ЎзА ёзишича, Мурожаатларда кўтарилган муаммо юзасидан Тошкент шаҳар ҳокими ўринбосари Ш.Турдиқулов имзоси билан жавоб хати келди. Унда жумладан шундай дейилади:
«Ўзбекистон Республикаси Фанлар академияси академиги, Ўзбекистон Республикаси фан арбоби, филология фанлари доктори Азизхон Қаюмовнинг Алишер Навоий номидаги Давлат адабиёт музейи ҳақида «Очиқ хат»идаги долзарб масала юзасидан Тошкент шаҳар ҳокимининг 2018 йил 12 февралдаги қарори билан Тошкент шаҳар Шайхонтоҳур тумани, Навоий кўчаси 69-уй манзилидаги бино (522,0 кв.м) қисми музейга қайтарилганлигини маълум қиламиз».
Эслатиб ўтамиз, Академик, Ўзбекистонда хизмат кўрсатган фан арбоби Азизхон Қаюмов Тошкент шаҳар ҳокими Раҳмонбек Усмоновга очиқ хат ёзиб, Давлат адабиёт музейининг хусусийлаштириб бериб юборилган қисмини яна музейга қайтаришни сўраган эди. Кейинроқ уни қўллаб яна уч академик ўз имзоси билан мақола эълон қилганди.
Изоҳ (0)