Ўзбекистон Президентининг «Ўзбекистон Республикасида космик тадқиқотлар ва технологияларни ривожлантириш чора-тадбирлари тўғрисида»ги фармойиши эълон қилинди, деб ёзади Norma.
Соҳани ривожлантириш бўйича таклифлар тайёрлаш учун Ишчи комиссия тузилди.
Ишчи комиссисия инновацион ғоялар, ишланмалар ва технологияларни татбиқ этиш бўйича соҳа иқтисодий ўсишининг локомотиви, хорижий инвестицияларни жалб қилишнинг қўшимча омилига айланган илғор хорижий давлатлар тажрибасини ўрганиш, космик ва йўлдошли технологиялар соҳасида ягона давлат сиёсатини ўрнатиш орқали космик соҳани бошқариш устидан бутун бир тизимни яратади.
Комиссия сунъий йўлдошли алоқа миллий тармоғини яратиш, космонавтика ютуқларини жорий этиш, космик ва сунъий йўлдошли технологиялар соҳасида кадрларни давлат-хусусий шериклик асосида потенциал хорижий ҳамкор ёрдамида тайёрлаш бўйича ҳам таклифлар йиғади.
Икки ой муддатда Президент девонига аниқ таклифлар акс этган таҳлилий маълумотлар, шунингдек, қўйилган вазифаларни амалга жорий этишга қаратилган норматив ҳуқуқий ҳужжатлар лойиҳалари киритилади.
Изоҳ (0)