Наманган шаҳридаги И. Каримов кўчасида 10 февраль, соат 00.30да йўл-транспорт ҳодисаси содир бўлди. Бу ҳақда ИИВ Жамоатчилик ва оммавий ахборот воситалари билан алоқалар бошқармаси маълум қилди.
1981 йилда туғилган Ш.Неъматуллаев Spark русумидаги автомобилни бошқараётиб, вилоят ИИБ ЙҲХБ ЙПХ инспектори А.Мадалиевнинг тўхташ тўғрисидаги талабига бўйсунмади. Уни уриб юбориб, воқеа жойидан яширинади.
А.Мадалиев жароҳат олиб, касалхонага ётқизилди. Кўрилган чоралар натижасида Ш.Неъматуллаев қўлга олинди.
Эслатиб ўтамиз, олдинроқ Бухоро ва Хоразм вилоятларида ҳам шундай ҳодисалар қайд этилганди.
Изоҳ (0)