Хитойнинг Хубей вилоятида микроавтобус иштирокида юз берган йўл-транспорт ҳодисаси оқибатида 10 киши ҳалок бўлди. «РИА Новости»нинг хабар беришича, қурбонларнинг икки нафари вояга етмаган шахслардир.
Хабар беришларича, Сзянси вилояти томон ҳаракатланиб кетаётган микроавтобус ҳозирча номаълум сабабларга кўра йўлнинг қарама-қарши қисмига чиқиб кетган ва юк машинасига бориб урилган.
Ҳодиса оқибатида омон қолган ягона йўловчи тан жароҳатлари билан шифохонага юборилган. Авария юзасидан суриштирув ишлари бошланган.
Дастлабки тахминларга кўра, микроавтобус ҳайдовчиси қисқа муддатга бошқарувни йўқотган, бироқ нима сабабдан бундай бўлгани ҳозирча маълум эмас.
Изоҳ (0)