Туркия Ҳарбий-ҳаво кучлари 9 февраль, жума куни Сурия шимолидаги (Алепподан 65 километр масофада) Африн шаҳрига зарбалар берди. Бу ҳақда Al Mayadeen телеканали маълум қилди, деб ёзади «ТАСС».
Ярим тундан сўнг Ашрафия тумани бомбардимон қилинди, бу аҳоли орасида саросимага сабаб бўлди.
Маҳаллий шифохона бош шифокори ўнлаб яраланган фуқаро муассасага келганлиги ва улар сони ошаётганлигини маълум қилди.
Ҳужумлар, шунингдек, шаҳар жанубидаги Мина посёлкаси ва Айн-Декна, Мираназ, Марьямейн, Каштаар қишлоқлари ва Менег аэродромига уюштирилган. Авиазарбалар ва ўққа тутишлар ҳақидаги маълумотлар Жандарис, Булбул, Шираван ва Ширран чегара секторларидан келиб тушган. Сурия озодлик армиясининг турк бронетехникаси кўмагида Ража шаҳрини эгаллашга уриниши муваффақиятсизликка учради, курд кўнгиллилари жангарилар ҳужумини қайтарди.
Изоҳ (0)