Бухоро шаҳар ИИБга А.Жомий кўчаси 74-уй 9-хонада яшовчи Азиза Шарипова ариза билан мурожаат қилди, деб хабар беради вилоят ИИБ матбуот хизмати.
Фуқаро ўз аризасида Matiz русумли автомашинага йўловчи сифатида ўтириб манзили томон бораётганида спиртли ичимлик истеъмол қилганлиги оқибатида автомашинада бехосдан ухлаб қолганлигини, бу ҳолатдан фойдаланган ҳайдовчи унинг бўйнида бўлган 2 миллион 400 минг сўмлик тилла занжирини сездирмай ўғирлаб олганлигини билдиради.
Тезкор ходимлар томонидан олиб борилган суриштирув ишлари давомида ушбу жиноятни Когон шаҳар Қоровулбозор шох кўчаси 133-уйда яшовчи 1993 йилда туғилган Жамол Неъматов содир этганлиги аниқланди.
Ҳайдовчи ўзи бошқарувида бўлган Matiz русумли автомашинада йўловчи сифатида ўтирган Азиза Шарипованинг автомашинада маст ҳолатда ухлаб қолганлигидан фойдаланиб С.Айний МФЙ «Халқлар дўстлиги» кўчаси ҳудудига етганда, унга сездирмасдан бўйнидаги тилла занжирини яширин равишда қўлга киритганлигини тан олди.
Мазкур ҳолат юзасидан Жамол Неъматовга нисбатан Ўзбекистон Республикаси Жиноят Кодексининг 169-моддаси (Ўғрилик) 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)