Андижон вилояти Пахтаобод тумани тиббиёт бирлашмаси фаолияти юзасидан олиб борилган ўрганишлар натижасида бир қатор долзарб вазифалар қониқарсиз бажарилаётгани аниқланди. Бу ҳақда Ўзбекистон Соғлиқни сақлаш вазирлиги ахборот хизмати маълум қилди.
Хусусан, туман тиббиёт бирлашмаси тизимида фаолият юритиб келаётган айрим раҳбар ходимлар аҳолига тиббий хизмат кўрсатиш, профилактика тадбирларини олиб бориш, шифохона ичи инфекциясининг олдини олиш каби вазифаларни қониқарсиз бажариб келган.
Шу муносабат билан,
- Пахтаобод тумани тиббиёт бирлашмаси бошлиғи Қ.Сайидумаров,
- туман тиббиёт бирлашмасининг даволаш ишлари бўйича ўринбосари Қ.Мамадалиев,
- туман тиббиёт бирлашмаси ҚВП координатори А.Мискинова,
- кўп тармоқли марказий поликлиника мудири Д.Деҳқонова,
- шошилинч тиббий ёрдам бўлими мудири Т.Тожибоев,
- жарроҳлик бўлими мудири М.Юнусов,
- тез тиббий ёрдам мудири Н.Мамадалиева,
- терапия бўлими мудири М.Тешабоева
«Вилоятдаги ҳар бир даволаш муассасаси раҳбарига халқ розилиги ва аҳоли манфаатлари йўлида шахсий жавобгарликни ҳис қилиб ишлаш, бирламчи тиббий хизматга бўлган эҳтиёжни сифатли ва самарали қондириш каби муҳим вазифалар тушунтирилди», — дейилади вазирлик ахборотида.
Изоҳ (0)