«Ўзбекконцерт» ҳузурида клиплар фаолиятини ташкил этиш бўйича бадиий кенгаш тузилиши ҳақида хабар берилган эди. Мазкур кенгаш 1 февралдан иш бошлади, деб ёзади MyDay.
14 кишидан иборат кенгашга таниқли шоир Нодир Жонузоқ раҳбар этиб тайинланган.
«Ўзбекконцерт» давлат муассасаси директори Одил Абдуқаҳҳоров кенгаш раиси ўринбосари бўлди.
Бундан ташқари, клипларни таниқли клипмейкерлар Санжар Маткаримов, Ёдгор Носиров, Ўзбекистонда хизмат кўрсатган артист Азим Муллахонов ва яна бир қатор маданият ва маърифат ходимлари баҳолайди. Тақдим этилган клиплар ҳар 15 кунда кўриб чиқилади. Қоидаларга амал қилмаган хонандаларга нисбатан лицензия бериш низомида кўрсатилган чоралар кўрилади.
Кенгашнинг клипларни баҳолаш бўйича илк йиғилиши 15 февралда бўлиб ўтади.
Изоҳ (0)