Катта Миср музейи Гизада 16 йилдан буён қурилмоқда. Майдони 50 гектар бўлган музей бу турдагилар ичида дунёда энг каттаси бўлади. Музей ҳудудининг учдан икки қисмига Мисрнинг қадимий жойларидан топилган экспонатлар жойлаштирилади, деб ёзмоқда National Geographic.
Ёши уч минг йилдан ортиқ, вазни 83 тонна, баландлиги эса 11 метр бўлган Рамзес II ҳайкали музейнинг безаги бўлади ва унга ташриф буюрувчиларни биринчи бўлиб қарши олади. Ҳайкал 25 январда музей ҳудудига кўчирилди. Кўчириш операцияси харажатлари 800 минг долларни ташкил қилган.
Пушти гранитдан ясалган ҳайкал Мемфисда топилган ва 1954 йилда Қоҳирадаги вокзал майдонига ўрнатилган. Ҳайкалга поездлар ҳаракати натижасида юзага келадиган тебранишлар зарар етказмаслиги учун уни Гиза платосига кўчиришга 2006 йилда қарор қилинган. Ҳайкалнинг нусхаси Қоҳира аэропортиа олиб борувчи йўлда ўрнатилган.
Изоҳ (0)