Америкалик актёр Жим Керрига нисбатан судга тақдим этилган собиқ қиз ўртоғи Катриона Уайтни ўлим билан боғлиқ даъволар рад этилди. Бу ҳақда Hollywood Reporter нашрига таяниб, «РИА Новости» хабар берди.
Аввалроқ Катриона Уайтнинг онаси Брижит Суитман Лос-Анжелес судига Голливуд актёрининг ноқонуний хатти-ҳаракатлари оқибатида қизи вафот этганлиги борасида даъво аризасини тақдим этганди. Суитманнинг таъкидлашича, унинг қизи Керри сотиб олган ноқонуний дори воситалари оқибатида ҳалок бўлган. Шунингдек, бу каби даъво аризасини судга марҳуманинг турмуш ўртоғи Марк Бертон ҳам берган. Керри ўз номига билдирилган шикоятларни вазиятдан фойдаланиш деб атаган эди.
Актёрнинг вакилини тасдиқлашича, Керрига нисбатан суриштирув ишлари 25 январь куни тўхтатилган.
Эслатиб ўтамиз, машҳур америкалик актёр Жим Керрининг маъшуқаси Катриона Уайт Лос-Анжелесдаги уйида ўз жонига қасд қилган эди. Кейинроқ Катрионанинг жасади ёнидан актёрнинг номига ёзиб берилган кучли таъсир қилувчи дорилар топилгани хабар қилинган эди.
Изоҳ (0)