Америкалик актриса ва режиссёр Анжелина Жоли қизлари Захара ва Шайлони Иорданиядаги суриялик қочоқлар билан учрашувга бирга олиб борди, деб хабар беради «Газета.ru».
Учрашув 28 январь куни бўлиб ўтди. Меҳмонлар «Заатари» лагерини кўздан кечирди, шунингдек TIGER таълим лойиҳасида иштирок этаётган қизлар билан суҳбатлашди.
11 ёшли Шайло учун мазкур сафар шу турдаги учрашувларнинг учинчиси бўлди, 13 ёшли Захара учун эса — биринчиси.
Лагерда сўзлаган нутқида Жоли ҳозирги пайтда қочоқларнинг аксарияти молиявий қийинчиликлар гирдобида эканлигини, кўпчилик бир кунда уч доллардан камроқ маблағ сарфлаш эвазига яшаётганини маълум қилди.
Актрисанинг қайд этишича, инсонпарварлик ёрдами бу узоқ муддатга мўлжалланган ечим эмас, шу сабабли ҳозирги вазиятдан чиқишнинг бошқа йўлини топиш зарур.
Изоҳ (0)