“O‘zbekkonsert” huzurida kliplar faoliyatini tashkil etish bo‘yicha badiiy kengash tuzilishi haqida xabar berilgan edi. Mazkur kengash 1-fevraldan ish boshladi, deb yozadi MyDay.
14 kishidan iborat kengashga taniqli shoir Nodir Jonuzoq rahbar etib tayinlangan.
“O‘zbekkonsert” davlat muassasasi direktori Odil Abduqahhorov kengash raisi o‘rinbosari bo‘ldi.
Bundan tashqari, kliplarni taniqli klipmeykerlar Sanjar Matkarimov, Yodgor Nosirov, O‘zbekistonda xizmat ko‘rsatgan artist Azim Mullaxonov va yana bir qator madaniyat va ma’rifat xodimlari baholaydi. Taqdim etilgan kliplar har 15 kunda ko‘rib chiqiladi. Qoidalarga amal qilmagan xonandalarga nisbatan litsenziya berish nizomida ko‘rsatilgan choralar ko‘riladi.
Kengashning kliplarni baholash bo‘yicha ilk yig‘ilishi 15-fevralda bo‘lib o‘tadi.
Izoh (0)