Танасидан игналар топилган 11 ойлик Азизбек Абдумажидовнинг аҳволи барча кўрсаткичлар бўйича ижобий томонга ўзгармоқда. Бу ҳақда Республика Болалар жарроҳлик маркази бош шифокори Ҳабибулла Оқилов «Ёшлар» телеканалига берган интервьюсида маълум қилди, дея хабар беради «Халқ сўзи».
«Қон таҳлили, сийдик таҳлили кўрсаткичлари, яраларнинг битиши, тана ҳарорати ижобий томонга ўзгарди.Бола эма бошлади, ичак тизими яхши ишлаб кетди, қон босимини боланинг ўзи ушлаб турибди. Олдин бола кома, кома 1, кома 2 ҳолатида баҳоланган бўлса, ҳозир ўзига келиш арафасида. Исмини айтсангиз кўзини очмоқда», — дейди Ҳабибулла Оқилов.
Шифокорнинг айтишича, боланинг танасида яна 3 та игна қолган. Бироқ соғлиқ учун хавф туғдирадиган жойда эмаслиги туфайли ҳозирча уларга тегилмайди. Бола 5-6 ёш бўлганидан кейин ҳам олиб ташланиши мумкин.
«Бундай вазиятлар олдин ҳам бўлган. Ҳатто 22 та игна ютган бемор ҳам тиббий элак ёрдамида, операциясиз даволанган», — деди Ҳабибулла Оқилов.
Изоҳ (0)