Декабрь ойида GM Uzbekistan компанияси Генерел Motors’нинг Санкт-Петербургдаги ишламай турган заводида автомобиль чиқариш имкониятларини кўриб чиқаётгани ҳақида хабарлар тарқалган эди. Бу ҳақда, хусусан, Россяи саноат ва савдо вазири Денис Мантуров маълум қилган эди, деб ёзади Spot.
Маълум бўлишича, ҳозирги вақтда Петербургдаги заводга икки автомобилсозлик компанияси даъвогарлик қилмоқда, бироқ улар орасида GM Uzbekistan йўқ. Бу ҳақда, Санкт-Петербургнинг саноат сиёсати ва инновациялар бўйича қўмитаси раиси Максим Мейксинга асосланиб, RNS маълум қилди.
«Санкт-Петербургдаги заводда Ўзбекистон автомобилларини ишлаб чиқариш ғояси вазир Денис Мантуровга тегишли эди. Бироқ биз губернатор делегацияси билан биргаликда Ўзбекистонда бўлганимизда, ўзбек ҳамкасбларимиз бу масалани ҳатто кўтаришмади ҳам. Биз ҳозир бошқа ишлаб чиқарувчилар билан музокаралар олиб боряпмиз», — деди Мейксин.
Маълумот учун, ўз вақтида Chevrolet ва Opel бренди остидаги автомобиллар йиғилган GM’нинг Санкт-Петербургдаги ишлаб чиқариш майдончаси йилига 100 мингдан зиёд машина ишлаб чиқаришга мўлжалланган.
GM Uzbekistan ҳозирги вақтда Россия бозорига ўзи ишлаб чиқарган автомобилларни Ravon бренди остида етказиб бермоқда.
Изоҳ (0)