Ўзбекистон ва Беларусь республикалари фавқулодда вазиятлар вазирликлари қутқарув хизматлари ўртасида ўтказилаётган ҳамкорликдаги ўқув машқларида иштирок этиш учун ташриф буюрган Беларусь фавқулодда вазиятлар вазири ўринбосари А.Худолеев бошчилигидаги расмий делегация қадимий Самарқанд шаҳрига ташриф буюрди, деб хабар беради Ўзбекистон ҳукумат портали.
«Меҳмонлар ўз ташрифини буюк давлат ва сиёсат арбоби Ўзбекистон Республикасининг Биринчи Президенти Ислом Каримов мангу қўним топган муборак жой Ҳазрати Хизр мақбарасига қабрига гул қўйиб, ҳурмат бажо келтиришдан бошлади. Меҳмонлар мажмуада олиб борилган юксак меъморчилик санъати асосида бажарилган ишлар, ўрнатилган салобатли устунлар, ёғоч эшикларга ўймакорлик санъати асосида яратилган безакларга алоҳида урғу бериб ўтди», — дейилади хабарда.
Меҳмонлар, шунингдек шаҳарнинг диққатга сазовор Шохи-Зинда комплекси, Регистон майдони, Гўри Амир мақбараси, Улуғбек расадхонаси ва Дониёр Пайғамбар зиёратгоҳида бўлди.
Изоҳ (0)