Анқара Суриянинг Африн минтақасидаги операция билан чекланмай, зарур бўлганда Ироқнинг Синжар ва Қандил ҳудудларида ҳам террорчилар билан кураш олиб боради. Бу ҳақда Туркия ташқи ишлар вазири Мавлуд Чавушўғли маълум қилди, дея хабар беради «РИА Новости».
«Биз террорчиликни таг-туги билан йўқотмагунча Сурияда қоламиз, шундан кейин бу ҳудудларни ҳақиқий эгаларига топширамиз. Афринда операцияни чеклаш тўғрисидаги даъватлар биз учун ҳеч қандай кучга эга эмас. Террорчилик таҳдиди қаердан келмасин — Синжар, Қандил, Манбиж, Фрот шарқи — у билан курашамиз ва йўқ қиламиз», — деди Чавушўғли.
АҚШ давлат департаменти расмий вакили Хезер Науэрт Африндаги ҳаракатлар «Қўшма Штатлар ва Туркиянинг Суриядаги умумий вазифаларини пучга чиқариши»ни билдирган ва Анқарани кескинликни пасайтиришга чақирган эди.
Изоҳ (0)