2018 йил 20 январь куни Тошкент вилоят ИИБ ҳамда МХХнинг Тошкент вилоят бошқармаси ҳамкорлигида тезкор тадбир ўтказилди. Бу ҳақда UzNews хабар бермоқда.
Тадбир давомида Тошкент шаҳрида доимий рўйхатда туриб, Қибрай туманида вақтинча яшовчи, 29 ёшли Мадина Абдуллаева (исм-шарифлар шартли) ўзининг шериги, Тошкент шаҳрида яшовчи, 37 ёшли Шоҳиста Юнусова билан олдиндан тайёрлаб қўйилган виза ва чипта асосида Қибрай туманида яшовчи, 23 ёшли Муниса Саъдуллаевани аэропорт орқали Ҳиндистонга юбораётгани аниқланди.
Улар олдиндан тил бириктириб, Мунисани Деҳли шаҳридаги танишлари «Дилфуза» исмли шахснинг ёнига фоҳишалик билан шуғулланиш учун ёллаб, жўнатиб юбораётган вақтларида қўлга олинди.
Ҳозирда Тошкент вилоят ИИБ ҳузуридаги тергов бошқармаси томонидан Мадина Абдуллаев, Шоҳиста Юнусова ва бошқаларга нисбатан Жиноят кодексининг 135-моддаси 2-қисми «е,з» бандлари билан жиноят иши қўзғатилди.
Изоҳ (0)