Хайрия акцияси. Лейкозга чалинган 10 ёшли Улуғбек яхшилар кўмагига муҳтож

10 ёшдан ошган Улуғбек қарийб бир йилдан бери оғир касаллик билан курашмоқда. Унга чуқур лимфобласт лейкоз, 1-фаол даври ташхиси қўйилган.

«2017 йилнинг 17 август куни таҳлил топширганимизда боламнинг қонида оққон таначалари кўп экани маълум бўлди. Бизни онкогематологиянинг 1-болалар бўлимига ўтказишди. Боламнинг қони таркибида тромбоцитлари йўқ бўлгани учун баданида кўкаришлари бор эди. Россияга анализ юборилди, у ердан ҳам худди шундай жавоб келди. 2 марта тромба олди, 2 марта қон ва плазма қўйилди. У ерда 6 марта люмбали (орқа мияга, яъни умуртқасига) кимётерапия қилинди. Кучли антибиотиклар юборилди. Келган вақтимизда аҳволи жудаям оғирлиги учун 45 кунлик чақалоғимни онамга қолдириб шифохонага ётдим. Шифокорларнинг саъй-ҳаракати билан ўғлимнинг аҳволи яхши томонга ўзгарди. Ўзининг организми қон ишлаб чиқара бошлади»,— дейди Улуғбекнинг онаси Зулайҳо опа.

Шифокорларнинг айтишига кўра, бола кундузги бўлимда консолидацияни давом эттириш керак. Консолидация жараёни 3 курс бўлиб, 1 ярим йиллик қўллаб-қувватлови бор. Даволаниш муддати 2 йилни ташкил қилади.Даволаниш муолажаларига жуда катта маблағ талаб этилади. Саховатпеша инсонлардан имкон қадар Улуғбекнинг даволаниши учун ўз ҳиссасини қўшишларини сўраймиз.

Пластик карта орқали (Click, Payme): Агробанк 8600 0417 3346 8350 Саитова Зулайҳо.

Боғланиш учун Зулайҳо опанинг телефон рақами: +998 97 314 09 85