Toshkent shahar bojxona boshqarmasi, MXX va Davlat soliq inspeksiyasi xodimlari hamkorlikda tezkor tadbirlar o‘tkazdi. Bu haqda UzNews xabar bermoqda.
Tadbirlar davomida muqaddam aylanma yo‘llar orqali olib kirilgan inson nerv-asab tizimiga kuchli ta’sir qiluvchi “Tramadol” va “Lirika” dori vositalarining oldi-sotdisi bilan shug‘ullanuvchi shaxslar faoliyatiga chek qo‘yildi.
Jumladan, poytaxtning Chilonzor tumanidagi avtoturargohlarning birida D.Ahmedov (ism-shariflar shartli) 300 ta konvalyutadagi, jami 3000 dona “Tramadol” dori vositalarini 5,7 million so‘m evaziga sotayotgan vaqtda qo‘lga olindi.
Shuningdek, Uchtepa tumanida olib borilgan tezkor tadbir davomida J.Niyozov 288 dona “Lirika” dori vositasini 4 million so‘mga sotayotgan vaqtda qo‘lga olindi.
Ushbu holatlar bo‘yicha huquqbuzarlarga nisbatan xolislar ishtirokida tegishli protsessual hujjatlar rasmiylashtirilib, tadbir davomida aniqlangan “Tramadol” va “Lirika” dori vositalari ashyoviy dalil sifatida olib qo‘yildi.
Hozirda mazkur holatlar yuzasidan tekshiruv harakatlari davom ettirilmoqda.
Izoh (0)