2018 йилда Ўзбекистонда янги конлар очиш орқали табиий газ захираси 57 миллиард куб метрга, нефть ва конденсат захираси 3,6 миллион тоннага кўпайтирилади. Бу ҳақда Ўзбекистон Республикаси Президенти Шавкат Мирзиёев раислигида кеча, 25 январь куни «Ўзбекнефтгаз» акциядорлик жамияти тизимида геология-қидирув ва қазиб олиш ишлари самарадорлиги, ёқилғи материаллари билан ички эҳтиёжни таъминлашнинг аҳволи, тизимдаги истиқболли вазифалар ижросига бағишланган йиғилишда таъкидланди, деб ёзади ЎзА.
2018 йилда 63 миллиард куб метр табиий газ, 3 миллион тонна нефть ва конденсат қазиб олишни таъминлаш учун 255 та янги қудуқ ва 26 та янги технологик объектни қуриш ишларини якунлаш, 76 та қудуқни капитал таъмирдан чиқариш ишлари амалга оширилади.
Давлат статистика қўмитаси маълумотларига кўра, Ўзбекистонда 2017 йилда 56 миллиард 417 миллион куб метр газ қазиб олинган. 2016 йилда эса бу кўрсаткич 56 миллиард 132 миллион куб метрни ташкил этган.
Изоҳ (0)