Ўзбекистон Кобул ва Тошкент ўртасида имзоланган ишбилармонлик ва транзит битимларига асосланиб, мамлакат орқали олиб ўтиладиган Афғонистон юклари транзити учун божни пасайтирди, деб ёзади UZ24 Афғонистон молия вазирлигига таяниб.
Молия вазири Эклил Ҳакимий айтишича, шу пайтгача Ўзбекистон мамлакат орқали ўтаётган товар билан тўлдирилган ҳар битта контейнердан 2500 доллар бож ундирган, айни пайтда бож 1250 долларгача камайтирилган. «Биз ҳам Ўзбекистонга нисбатан шундай йўл тутдик, йиғимларни икки баробар қисқартирдик», — деди Ҳакимий.
Афғонистон Савдо-саноат палатаси расмий шахслари сўзларига кўра, Ўзбекистон транзит ва бизнес соҳасида Афғонистоннинг яхши шериги ҳисобланади. «Ўзбекистон Афғонистонга бошқа мамлакатлар билан савдо алоқаларини кенгайтиришда ёрдам бериш борасида ҳаётий муҳим ролни ўйнаши мумкин», — деди палата вакили Сейям Писарлай.
Изоҳ (0)