Санжар Абдуллаев 1984 йилнинг 14 ноябрида Қашқадарё вилоятида туғилган. Унга 2005 йилда жигар циррози, гепатит Б ташхиси қўйилган.
Санжар 13 йилдан бери ҳар 3—4 ойда шифохонада даволанса-да, ижобий натижа бўлмаяпти. Унинг аҳволи кундан кунга оғирлашмоқда.
«Ҳозирги кунда гепатит Б вирусига гепатит Д вируси ҳам қўшилган. Шифокорлар бундай ҳолатда даволаниб юриши яна 3—4 йил давом этишини айтишган. Чунки қорнимда сув йиғиляпти, варикоз томирларим ҳам кенгайган, қон кетиш хавфи борлигини айтишди. Тез-тез бурним ҳам қонаб туради. Шифохонада ётганимда Ҳиндистонда жигар кўчириш операцияси ҳақида эшитдим ва шу операцияни қилдирган одамлар билан учрашдим. Уларнинг соғломлигини кўриб менда ҳам мазкур операцияни ўтказиш ва шу орқали соғайиб кетиш умиди уйғонди. Тошкентга Ҳиндистоннинг Артемис клиникасидан келган шифокор Маанзор Аҳмад Мир қабулига ёзилиб учрашдим. Аҳволимни кўрди ва менга жигар кўчириш амалиётини қилишса, соғайиб кетишимга 90 фоиз кафолат берди. Бу операция учун 40 минг АҚШ доллари керак бўлар экан, лекин менда бу маблағ йўқ», — дейди Санжар.
Санжарнинг отаси 2012 йилда вафот этган. Онаси нафақада. Ҳозирги кунда унинг даволаниши учун акаси ёрдам бермоқда.
«Акамнинг топгани менинг дори-дармоним ва ўз оиласидан ортмаяпти. Ўзим энг кам ойлик иш ҳақи миқдорида нафақа оламан. Булардан ортиб Ҳиндистонда даволанишга имконим йўқ. Илтимос, менга ушбу жигар кўчириш операциясини амалга ошириш учун молиявий ёрдам беринг. Бу яхшилигингизни умрбод унутмайман, умримнинг охиригача сизларни дуо қилиб яшайман», — дейди у.
Санжар Абдуллаевга моддий ёрдам кўрсатиш истагидагилар учун қўшимча маълумотлар:
Хайрия қилмоқчи бўлган ташкилот ва компаниялар учун: Ҳисоб рақам Агробанк:23120000500000166001 МФО-00166.
Пластик карта орқали (CLICK, Payme):
Агробанк 8600 0417 2372 3764 (Абдуллаев Санжар Зарифович)
Мурожаат учун телефон рақамлари: +998902884584
Онаси Муборак опанинг телефон рақами +998911911443
Изоҳ (0)