Сирдарё вилоят ҳокимлиги ҳамда соғлиқни сақлаш бошқармаси ташаббуси билан ҳиндистонлик шифокорларнинг вилоятга ташрифи ташкил этилди. Бу ҳақда Сирдарё вилоят ҳокимлиги матбуот хизмати хабар бермоқда.
20 январь куни Ҳиндистоннинг Аполло клиникасидан онколог, жарроҳ Шуаиб Заиди, пластик жарроҳ Шаҳин Ноореездан, болалар урологи Сужит Чоудхари, дерматолог Мунир Аҳмадлардан иборат шифокорлар гуруҳи Сирдарё вилоятига ташриф буюрди.
Сирдарё вилояти онкология диспансерида ҳиндистонлик мутахассислар томонидан жами 220 нафар беморлар тиббий кўрикдан ўтказилди, аниқланган касалликлар бўйича зарур муолажалар ва тавсиялар берилди. Шу билан бирга ҳиндистонлик мутахассислар вилоят тиббиёт мутахассислари билан биргаликда онкологик касаллиги мавжуд ва пластик операцияга муҳтож бўлган 2 нафар беморда юқори технологик жарроҳлик амалиёти (операция) бажарилиб, вилоят тиббиёт мутахассисларига маҳорат дарслари ўтказилди.
Изоҳ (0)