Канадада қотил қиз Facebook’ка дугонаси билан тушган селфисини жойлаштиргани сабаб жиноят фош этилди. Бу ҳақда CBC’га таяниб, «Корреспондент.net» хабар берди.
Таъкидланишича, Саскатун шаҳри полицияси икки йилдан буён жасади шаҳар ахлаттепаси яқинидан топилган 18 ёшли Бритни Гарголнинг ўлими юзасидан тергов олиб борган.
Бритнининг дугонаси Шайенн Роуз Энтони ҳуқуқ-тартибот ходимларига маълум қилишича, Бритни ўлдириб кетилган куни улар барда ўтириб ичкилик ичишган ва шундан сўнг Гаргол номаълум эркак билан барни тарк этган.
Полиция Бритни ўлдирилгач, Энтони томонидан ижтимоий тармоққа жойлаштирилган селфига эътибор қаратди. Суратда Гаргол буғиб ўлдирилган камар Энтонининг белида турарди.
Полициячилар гумонланувчининг кўрсатмасида баъзи номутаносибликни пайқаб қолди. Шайеннинг танишларидан бирини полицияга айтишича, Энтони ўша кеча жиноят содир этганини унга сўзлаб берган.
Маълумотларга кўра, жиноятчи қиз 7 йилга озодликдан маҳрум этилган.
Изоҳ (0)