Муваффақиятли раҳбарлар унумдорликни ошириш учун фойдаланадиган 5 ҳийла
Ўз қобилиятларингизни амалий баҳолаш ва тўғри режалаштириш билан сиз кўпроқ нарсага улгуришингиз ва камроқ чарчашингиз мумкин. Доимий бандлик ва стресснинг ёпиқ доирасидан қутулиб чиқинг.
Фото: Shutterstock
Ўз имкониятларингизни чекламанг
Агар сизга бирон бир ишни бажаришнинг имкони йўқдек кўринса, иккита доимий равишда ривожланиб бораётган компанияларга раҳбарлик қилаётган, лекин барибир бошқа истакларга вақт топиб, доим бирон бир янги нарса билан шуғулланадиган Илон Маск ҳақида эсланг.
Бу сизнинг имкониятларингизнинг чексизлиги ҳақида яхши эслатишдир.
Олдиндан режалаштиринг
Сиз учун ҳам, Илон Маск учун ҳам суткадаги вақт миқдори бир хил. Фарқи, сиз уни қандай сарф қилишингизда. Кўпроқ улгуриш учун камроқ қилиш, лекин кўпроқ режалаштириш керак.
Якшанба куни келгуси ҳафтанинг режасини тузиб чиқишга бир-икки соат вақт сарфласангиз, душанба куни сиз дарров ҳаракат қилишни бошлайсиз.
Ўз қобилиятларингизни амалий баҳоланг
Кўпинча, ишда сезиларли ривожланишга эришиш учун орада бор-йўғи бир нечта вазифа тургандек кўринади. Лекин, барибир бизнинг графикдан орқада қолаётганимиз кейин маълум бўлиб қолади.
Бунинг олдини олиш учун, ҳар бир ишга аниқ вақт чегарасини белгилаб қўйинг ва қанча ишни бажара олишингизни амалий баҳоланг.
Кўпроқ «йўқ» денг
Ҳаётингизга ҳеч қандай фойда келтирмайдиган машғулотларни аниқланг ва уларга бемалол «йўқ» деб айтинг. Масалан, сериаллар кўришдан воз кечинг ёки кечки ўтиришларга борманг. Бу сизнинг вақтингиз бошқалар хоҳлаганидек эмас, балки ўзингиз хоҳлаганингиздек тақсимланаётганидан қониқишнинг бирдан-бир йўлидир.
Жавобгарликни тақсимланг
Агар ходимларни ўзингиз ишга ёлласангиз, ўз ишининг жавобгарлигини тўлиқ унга юклатинг. Шунда сиз доимий назорат қилиш учун чалғимасдан, вақтингизни тежайсиз ва бошқа лойиҳалар билан шуғуллана оласиз.
Изоҳ (0)