Иш куни давомида раҳбарларнинг ўзини қандай тутиши бутун компания муваффақиятига таъсир кўрсатади.
Олимлар олти мамлакатнинг мингдан ортиқ раҳбарлари орасида иш куни давомида нима қилишини, уларнинг юриш-туриши компаниянинг муваффақиятига қандай таъсир кўрсатишини аниқлаш учун сўров ўтказди.
Сўров натижаларига кўра, одатда кун давомида вақт қуйидагича тақсимланади:
- 56% — учрашувлар ва йиғилишлар;
- 26% — режалаштириш, почта орқали алоқа ва бошқа шунга ўхшаш ишлар;
- 10% — шахсий масалалар;
- 8% — сафарлар.
Менежерлар кўпроқ ишлаб чиқариш-тарқатиш соҳаси ходимлари билан иш кўради, мижозлар ва таъминловчилар билан учрашади.
Етакчилар эса асосан олий бўғин раҳбарлари ва ташқи манфаатдор томонлар билан муносабатда бўлади, кўп режалаштиради ва гаплашади.
Биринчиси одатда унчалик катта бўлмаган корхоналарга раҳбарлик қилади, иккинчиси эса кўпинча йирик ва тузилиши мураккаб бўлган компанияларни бошқаради.
Раҳбарларнинг турини компаниянинг молиявий кўрсаткичларига қараб таққослашдан кейин олимлар етакчилар бошқараётган компаниялар муваффақиятлироқ ва даромадлироқ деган хулосага келди.
Албатта, раҳбарнинг иш кунини қандай ўтказиши компаниянинг фаолиятига ва шу кундаги ҳолатига боғлиқ. Инқироз вақтида бир тўпламдаги малакалар, барқарор ривожланиш вақтида эса — бутунлай бошқача малака керак бўлади.
Агар кичикроқ компанияни етакчи раҳбар бошқарадиган бўлса бу қўрқинчли эмас, лекин бунга тескари бўлган вазият кўпроқ зарар келтириши мумкин.
Манба: «Лайфхакер»
Изоҳ (0)