Унумдорликни ошириш учун 6 та оддий ва амалий маслаҳат

Шубҳасиз, сиз бу маслаҳатларни кўп эшитгансиз, лекин уларни яна бир марта эслаш ортиқчалик қилмайди. Улар ҳаётингизни ҳамма соҳаларда яхшилашга ёрдам беради.

1. Йиғилишни чўзиб юборманг

Йиғилишга бештадан ортиқ одам таклиф қилманг ва 30 дақиқадан кўпга чўзманг. Йиғилиш охирида албатта кейинги қилинадиган ишлар кўриб чиқилиши керак, акс ҳолда бу мажлиснинг ошхонадаги суҳбатлардан фарқи бўлмайди.

2. Ишлар рўйхатини тўғри тузинг

Агар ҳар бир бандга дедлайн қўйилган бўлса, ишлар рўйхати жуда фойдали бўлади. Акс ҳолда бу қачондир бажарилиши керак бўлган узундан-узоқ ишлар рўйхатига айланиб қолади.

3. Ижтимоий тармоқларга маълум бир вақтни ажратинг

Ҳамма хабарларни тўхтатиб қўйинг ва ижтимоий тармоқларга кирадиган аниқ бир вақтни белгиланг. Агар буни амалга оширмасангиз, сиз хабарларнинг ёпиқ доирасига тушиб қоласиз.

4. Энг қийинидан бошланг

Қийин қисмини кейинга қолдирманг, уни дарров бажаринг. Шунда куннинг қолганини ўтказиш ёки ишнинг қолган қисмини қилиш анча осонроқ бўлади. Бундай ёндашиш прокрастинацияни енгишга ёрдам беради.

5. Мириқиб ухланг

Уйқуни қурбон қилиш билан сиз ўз мақсадингизга яқинлашмайсиз. Агар сизга 8 соат уйқу зарур бўлса, лекин 6 соат ухлаган бўлсангиз, унда сизнинг кундузги ишингиз унумли бўлмайди. Балки сиз иш кунига 2 соат қўшган бўлишингиз мумкин, лекин ишнинг сифатидан анча кўпроғини йўқотган бўласиз. Бунинг устига саломатлигингизга ҳам зарар етказасиз.

6. Майда ишларга кўп вақт сарфламанг

Баъзан биз майда ишларга шунчалик ўралашиб кетамизки, ҳақиқатда муҳим бўлган ишларни унутиб қўямиз ва вақтнинг қандай ўтганини сезмай қоламиз. Бунга йўл қўймаслик учун ишларнинг аниқ рўйхатини тузинг.

Манба: «Лайфхакер»